الدورة الإقتصادية الدورة الإقتصادية
بمناسبة عيد الاستقلال نظّم حزب سبعة حملة تنظيف لموقع صخرة الجلاء حيث امضى عشرات الناشطين ساعات لاعادة تأهيل هذا المعلم الوطني نتج عنها شاحنة مليئة بالنفايات. وقد ازال الناشطون كل الاعلام الحزبية في الموقع واستبدلوها بالعلم اللبناني. تلا البيان السيد روني عبد المسيح، رئيس قضاء المتن في سبعة اكّد فيه ان هذه الحملة اقيمت في ظل توافد الاحزاب التقليدية الى الموقع لاطلاق مواقف سياسية بعيد الاستقلال.
عبد المسيح
وألقى عبد المسيح كلمة بالمناسبة، جاء فيها: “جينا نشوف بأي حالة تركوا هذا المكان اذا فعلا عندن احترام للاستقلال والوطن ! وصلنا وشفنا خربة ! مليانة زبالة ونفايات بتفوق اي تصوّر ! حالة هذا المكان بتمثل حالة هذا البلد المتروك. المتروك من قبل نفس الاحزاب يلي بتجي بتعمل بطولات وهمية على هذه الصخرة. قررنا انو اذا ما في دولة وما في بلدية نحن رح نجي ننضف وراء يلي سبقونا وتحضيرا ليلي رح يلحقونا ! هذه الحركة يلي عم نعملها اليوم هي كمان ! بترمز لشو سبعة بدها تعمل بهذا البلد كحزب صار بمثل امل كتير ناس. نحن، جايين ننضف وراهن ! ونرجع كرامة الوطن والمواطن ومن قول للمواطنين اكيد في امل ! رح نسترجع بلدنا سوى ! خلوكن عالسمع
* اخيرا بدنا نعتذر من التيار الوطني الحر لانو اضطرينا نشيل علمن عن راس هذه الصخرة ونستبلده بعلم لبناني. العلم الوحيد يلي مفروض يكون بهذا المكان ! واكيد رح نحرص انو نوصل علم التيار لاقرب مكتب لالهم.
